Learning materials for your health  Learn

አጣዳፊ የኩላሊት ጉዳት መንሥኤዎች

  • September 28, 2021
  • የጤና እክሎች

አጣዳፊ የኩላሊት ጉዳት ማለት፤ ኩላሊት በድንገት ሥራውን እየቀነሰ ሲሄድ ወይም  በፍጥነት ሥራውን ሲያቆም  ማለት ነው፡፡ ይህም በሰውነታችን ውስጥ ከመጠን በላይ ጨው፣ ውሃ እና የማያስፈልጉ ንጥረ ነገሮች እንዲጠራቀሙ ያደርጋል። 

አጣዳፊ የኩላሊት ጉዳት መንሥኤዎች የሚከተሉት ናቸው።

ከተለመደው የደም ዝውውር መጠን  ያነሰ ደም ወደ ኩላሊት መፍሰስ

  • ይህም ከ 40 እስከ 80% ለአጣዳፊ የኩላሊት ጉዳት መንሥኤ ይሆናል፡፡ ተገቢው ሕክምና በጊዜ ከተደረገለትም በቀላሉ ሊድን ይችላል።

የደም ዝውውር መጠንን የሚቀንሱ ነገሮች ምንድናቸው?

  • ተቅማጥ፣ ትውከት  

  • የደም መፍሰስ፣ ቃጠሎ

  • ከእርግዝና ጋር የተያያዘ ደም መፍሰስ

  • የልብ ድካም፣ የጉበት በሽታ፣ የተሰራጨ የደም ኢንፌክሽን (Sepsis)                        

  • መድኃኒቶች (diuretics,NSAID)

ኩላሊት ላይ ጉዳት ሲደርስ 

 ውስጣዊ (Parenchymal) የኩላሊት ችግር         

  • የኩላሊት መቆጣት (Glomerulonephritis)
  • ኢንፌክሽን፣ ካንሰር 
  • የተወሰኑ መድኃኒቶች (antibiotics, chemotherapy)
  • የሰውነት በሽታ የመከላከል ሥርዓት ኩላሊትን ሲያጠቃ (autoimmune diseases) 

 ሌላው መንሥኤ የሽንት ቧንቧ መዘጋት ነው ( <5%)

 ይህም ሽንት ከሰውነት እንዳይወጣ በመከልከል ሽንት ኩላሊት ውስጥእንዲጠራቀም  እና  ኩላሊት እንዲጎዳ ያደርጋል።

መንሥኤ         

  • የፕሮስቴት ችግር (በወንዶች)
  • የኩላሊት ጠጠር
  • የሆድ፣ የማኅፀን፣የሽንት ቧንቧ አካባቢ  እጢ\ካንሰር

ስለ አጣዳፊ የኩላሊት ጉዳት ተጨማሪ መረጃ ለማግኘት ማስፈንጠሪያውን ይጫኑ።

Share the post

scroll top