Learning materials for your health  Learn

የትንሹ አንጀት መዘጋት ምልክቶች ምንድናቸው?

  • November 8, 2021
  • የጤና እክሎች

የትንሹ አንጀት መዘጋት ማለት አየር፣ ፈሳሽ እና ምግብ በከፊል ወይም ሙሉ በሙሉ በትንሹ አንጀት ውስጥ ማለፍ አልቻሉም ማለት ነው። 

በዚህ ምክንያት አንጀት ከያዘው አየር፣ ፈሳሽ እና ምግብ የተነሣ ሊያብጥ ይችላል፡፡ ይህ እብጠት የአንጀትን ምግብ እና ፈሳሽ የመምጠጥ ዐቅምን በማሳነስ የሰውነት ፈሳሽ ማነስ (Dehydration) እና የኩላሊት ሥራ መዳከም ሊያስከትል ይችላል።

የአንጀት እግደት በሚኖርበት ጊዜ ወደ አንጀት ኦክስጅንን እና የበለፀገ ምግብ የሚያመጡ ደም ሥሮች ሊስተጓጎሉ ይችላሉ፡፡ ይህም የአንጀት ክፍሎች እንዲጎዱ (Strangulate) እና እንዲሞቱ (Gangrenous) ሊያደርግ ይችላል፡፡

ምልክቶቹ  የትኛው የአንጀት ክፍል ነው የተጠቃው? እና በከፊል ወይስ ሙሉ በሙሉ ነው የተዘጋው? በሚለው ላይ ይወሰናሉ።

በጣም የተለመዱት ምልክቶች የሚከተሉት ናቸው፡፡

  • ማቅለሽለሽ  እና ማስታወክ

  • በመሐል ዕረፍት የሚሰጥ ሆድ ቁርጠት

  • የሆድ እብጠት ወይም መነፋት

  • ሰገራ እና ፈስ ማውጣት መቸገር  

  • እየቆየ ሲመጣ ደግሞ ትኩሳት እና የማያቋርጥ የሆድ ሕመም ናቸው።  

ስለ አንጀት መዘጋት ተጨማሪ መረጃ ለማግኘት ማስፈንጠሪያውን ይጫኑ።

Share the post

scroll top