Learning materials for your health  Learn

የጡት መግል ምንድን ነው? ምልክቶቹስ?

  • November 10, 2021
  • የጤና እክሎች

ከስሙ መረዳት እንደምንችለው በጡት ውስጥ መግል ሲጠራቀም የጡት መግል ይፈጠራል። ይህ በሽታ በብዛት የሚከሠተው የጡት ደዌ (mastitis) ሳይታከም ሲቀር ነው። 

ጡት የሚያጠቡ ሴቶችን የሚያጠቃው የጡት መግልን የሚያስከትለው እስታፍሎኮከስ አውረስ (Staphylococcus aureus) የሚባለው ተሕዋስያን በጡቱ ቆዳ ወይም በጡት ጫፍ ስንጥቅ በኩል ወደ ውስጥ ገብቶ በመጀመሪያ የጡት ደዌ (mastitis) ያመጣል፡፡ ደዌ ጡት ካልታከመ ቁስለቱ መግል ይፈጥርና ጡት ውስጥ ይጠራቀማል። በአንጻሩ ጡት የማያጠቡ ሴቶችን የሚያጠቃው የጡት መግል አብዛኛውን ጊዜ በአኔሮቢክ (anaerobic) ተሕዋስያን ይከሠታል። 

ምልክቶቹስ

  • ትኩሳት፣ ብርድ ብርድ ማለት፣ ማንቀጥቀጥ

  • የቀላ፣ የሚያተኩስና ሕመም ያለው የጡት እብጠት

  • የሚታይ መግል ከጡት ጫፍ መውጣት

  • ማሳከክ

  • በተጨማሪም ያበጡ ፍርንትቶች (swollen lymph nodes) በብብት ሥር ሊታዩ ይችላሉ። እነዚህ ፍርንትቶች ሊቆስሉ ወይም ሊፈነዱ ይችላሉ።

ብግነቱ (infection) ወደ ሰውነት ከተሰራጨ ደግሞ 

  • ራስን መሳት

  • መተንፈስ ማቃት

  • የሽንት መጠን መቀነስ እና 

  • ከፍተኛ የሆነ ትኩሳት ሊኖር ይችላል።

ከላይ የተጠቀሱት ምልክቶች ከታዩ ወደ ጤና ተቋም በመሄድ አስፈላጊውን ምርመራ ማድረግ ይገባል፡፡

ስለ የጡት መግል ተጨማሪ መረጃ ለማግኘት ማስፈንጠሪያውን ይጫኑ።

Share the post

scroll top