Learning materials for your health  Learn

በቀዶ ጥገና ለመውለድ ሊያስገደዱ የሚችሉ ሁኔታዎች ምንድን ናቸው?

  • November 23, 2021
  • የጤና እክሎች

በቀዶ ጥገና የመውለድ ጥቅሞች እና ጉዳቶች

በቀዶ ጥገና መውልድ ደግሞ ነፍሰ ጡሯ ሕመም እንዳይሰማት ማደንዘዣ መድኃኒቶችን በመጠቀም በሆድ በኩል በሚደረግ ስንጥቅ ፅንሱ ከማሕፀን ይወጣል። 

ይህንንም የታቀደ ወይም ድንገተኛ በማለት ለሁለት መክፈል ይቻላል፡፡

በሀገራችን ኢትዮጵያ አጠቃላይ የቀዶ ጥገና ውልጃ ወደ 2% ቢሆንም፤ በመዲናችን አዲስ አበባ ግን ከሚመከረው በላይ ከፍተኛ (21.4%) የሆነ ወሊድ የሚፈፀመው በቀዶ ጥገና  መልኩ ነው። 

ይህ ጽሑፍ የሁለቱን የወሊድ ዓይነቶች አሉታዊ እና አዎንታዊ ጎን ያነፃፅራል፡፡

በቀዶ ጥገና የመውለድ ጥቅሞች

  • እናቶች በምጥ ወቅት ሊሰማቸው የሚችለውን የተራዘመ ስቃይ ያስቀራል፡፡

  • በአስቸጋሪ ሁኔታ ውስጥ ያሉ እናቶችን እና የፅንስን ሕይወት ይታደጋል፡፡

  • የታቀደ ከሆነ ከምጥ ድንገተኝነት ጋር የሚመጣውን ጭንቀት ይቀንሳል፡፡

በቀዶ ጥገና የመውለድ ጉዳቶች

  • ፅንሱን ለማውጣት የሚቀደደው የሆድ ክፍል ለመዳን ጊዜ ይወስዳል፡፡ በሰውነት ላይ ጥሎት የሚያልፈው ጠባሳም ይኖራል፡፡

  • የእናቶችን የሆስፒታል ቆይታ ያራዝማል፡፡ በፍጥነት አገግመው ልጆቻቸውን ለማጥባትም ሆነ ለመንከባከብ ይቸገራሉ።

  • የማሕፀን ግድግዳ ላይ ያለው የቀዶ ጥገና ቁስል በቀጣይ እርግዝና ወቅት ከእንግዴ ልጁ ጋር ሊጣበቅ ይችላል። የዚህም ሕክምና ማሕፀኑን እስከማውጣት ደረጃ ይደርሳል፡፡

  • የመጀመሪያ ልጃቸውን በቀዶ ጥገና የወለዱ እናቶች ቀጣይ ልጆችንም በቀዶ ጥገና የመውለድ ዕድላቸው ሰፊ ነው፡፡ ይህም በማሕፀን ግድግዳ ላይ ተደጋጋሚ ጠባሳዎች ያስከትላል፡፡

  • እናቶች ለከፍተኛ ደም መፍሰስና እንፌክሽን ይጋለጣሉ፡፡ 

  • እንደ ፊኛ፣ የደም ሥሮች፣ አንጀትና ሌሎች ማሕፀን አቅራቢያው ያሉ የአካል ክፍሎች ላይ ጉዳት ሊያስከትል ይችላል፡፡

  • በአራስ ልጅ ላይ ለአጭር ጊዜ የሚቆይ የአተነፋፈስ ችግር ሊያመጣ ይችላል፡፡

ስለዚህ አስገዳጅ ሁኔታ ከአልተፈጠረ በስተቀር እናቶች አምጠው መውለድን ቢመርጡ ይመከራል፡፡ 

በቀዶ ጥገና ለመውለድ ሊያስገደዱ የሚችሉ ሁኔታዎች ምንድን ናቸው?

  • ከዚህ በፊት ከአንድ ጊዜ በላይ በቀዶ ጥገና የወለደች እናት፤ 

  • ፅንሱ ከሚገባው በላይ የፋፋ/የወፈረ/ ከሆነ (4 ኪሎ ግራምና ከዚያ በላይ) 

  • የእናትዬዋ ማሕፀን ጠባብ ከሆነ፤

  • የፅንሱ አቀማመጥ ትክክል ከአልሆነ፤ ማለትም በእርግዝና የመጨረሻዎች ቀናት ጭንቅላቱ በትክክል ወደታች ከአልመጣ፤

  • የእንግዴ ልጁ ከፅንሱ ቀድሞ ከመጣ፤

  • መንታ ወይም ከዚያ በላይ ፅንስ ሲኖር፤

  • በምጥ ወቅት ፅንሱ በቂ ኦክስጅን ከአላገኘና የመተንፈስ ወይም የልብ ምት ችግር ከአጋጠመው፤

  • የተራዘመ ምጥ ሲኖር እና

  • እናት ሕይወቷን አደጋ ላይ የሚጥል ከፍተኛ የደም ግፊት ወይም የስኳር በሽታ ከአለባት፤

  • ወደ ልጅ የሚተላለፍ ኢንፌክሽን ከአለ (እንደ HIV፣ herpes...)

Share the post

scroll top