ፎሊክ አሲድ ለወንዶች

ፎሊክ አሲድ ለወንዶች

ፎሊክ አሲድ ለወንዶችም ጤና ጠቃሚ እንደሆነ ያውቃሉ? ፎሊክ አሲድ ቫይታሚን B9 በመባልም የሚታወቅ ሲሆን ለፅንስ ​​እድገት ወሳኝ በመሆኑ ፎሊክ አሲድ የሚለውን ቃል ስንሰማ አእምሮአችን በቀጥታ ወደ እርግዝና እና ወደ ቅድመ ወሊድ ቪታሚኖች ቢሄድ አይገርምም። ነገር ግን ፎሊክ አሲድ ለሴቶች ብቻ ጥቅም ያለው ንጥረነገር ሳይሆን እንደ የወንድን ዘር የመተካት አቅምዎን ለማጎልበት፣ የአንጎል ተግባርን ለማሳደግ እንዲሁም የልብ ጤናን ለመጠበቅ እየሞከሩ ከሆነ ፎሊክ አሲድ ቁልፍ ሚናን ይጫወታል። ስለዚህ ወንዶችም ለምን እንደሚያስፈልጋቸው እና እንዴት ጤናዎን እንደሚጠቅም እነሆ። 

ጥቅም  

1. የወንድ የዘር ፍሬ ጤናን ይደግፋል

ቤተሰብ ለመመስረት እያሰብክ ከሆነ፣ ፎሊክ አሲድ የዘር ፍሬ ጤናን የመውለድ እድልን ለማሻሻል ሊረዳህ ይችላል። ጥናቶች እንደሚያሳዩት ከሆነ ፎሊክ አሲድ የሚከተሉትን ሊያደርግ ይችላል፡-

• የወንድ የዘር ፍሬ ብዛትን እና እንቅስቃሴን ያሻሽላል
• ጤነኛ ያልሆኑ የወንድ የዘር ፍሬዎችን ይቀንሳል
• የመራባት እድልን እና የፅንስ እድገትን ሊጎዳ የሚችል በወንዱ ዘር ውስጥ ያለ የዲ.ኤን.ኤ ጉዳት አደጋን ይቀንሳል 

ጥናቶች እንደሚያሳዩት በወንዶች ውስጥ ያለው የፎሌት መጠን ዝቅተኛነት ከወሊድ መቀነስ ጋር የተያያዘ ሊሆን ስለሚችል አንዳንድ ስፔሻሊስቶች ለማስረገዝ ለሚሞክሩ ወንዶች የፎሊክ አሲድ ተጨማሪ መድሃኒቶችን ይመክራሉ።

2. የልብ ጤናን ያበረታታል

ፎሊክ አሲድ በሰውነታችን ውስጥ ከፍ ሲል ለልብ ህመም እና ለስትሮክ ተጋላጭነት የሚዳርግ ሆሞሲስቴይን የተባለ አሚኖ አሲድ ንጥረ-ነገርን ሰውነታችን እንዲሰብር በማገዝ የልብ እና የደም ቧንቧ ጤናን ይደግፋል።

3. የአንጎል ተግባርን እና ስሜትን ይጨምራል

ፎሊክ አሲድ የአንጎል ሴሎች እንዲግባቡ የሚያስችሉ ጠቃሚ የነርቭ አስተላላፊ ኬሚካሎችን ለማምረት ይረዳል። በቂ ፎሌት ማግኘት የሚከተሉትን ሊያደርግ ይችላል፡-

• የአእምሮን እና የማስታወስ ችሎታን ያሻሽላል
• ስሜትን መቆጣጠርን ይደግፋል
• ዕድሜዎ እየገፋ ሲሄድ የግንዛቤ መቀነስ አደጋን እና ድብርትን ይቀንሳል

ዝቅተኛ የፎሌት መጠን ከአእምሮ ጭጋግ፣ ብስጭት እና አልፎ ተርፎም በአንዳንድ ሰዎች ላይ የስሜት መቃወስ ጋር ተያይዘው ይታያሉ።

4. የቀይ የደም ሴሎች ምርትን ይረዳል

ልክ እንደ ሴቶች ሁሉ ወንዶችም በሰውነት ውስጥ ኦክሲጅንን የሚሸከሙ ጤናማ ቀይ የደም ሴሎችን ለመሥራት ፎሊክ አሲድ ያስፈልጋቸዋል። የፎሌት እጥረት ወደ ደም ማነስ ሊያመራ ስለሚችል ድካም እና ዝቅተኛ ጉልበትን ያስከትላል። 

5. ሰውነታችንን ለማጽዳት እና ለመጠገን ይረዳል

ፎሊክ አሲድ በዲ.ኤን.ኤ ውህደት እና መጠገን ውስጥ ቁልፍ ሚና በመጫወት፣ የሰውነትዎን የመፈወስ ችሎታ ጨምሮ ለአካባቢያዊ መርዞች የሚሰጠውን ምላሽ ያዳብራል። በተጨማሪም የጉበት ተግባርን በመደገፍ ሰውነትዎ ቆሻሻን በብቃት እንዲያስወግድ ይረዳል።

ወንዶች በቂ ፎሊክ አሲድ እንዴት ሊያገኙ ይችላሉ?

ፎሊክ አሲድን ከምግብ እና ተጨማሪ መድሃኒቶች ማግኘት ሲቻል በምግብ ውስጥ የሚገኘው ተፈጥሯዊ ቅርጽ ፎሌት ይባላል። በፎሌት የበለፀጉ ምግቦች የሚከተሉትን ያካትታሉ:-

• አረንጉዋዴ ቅጠላ ቅጠሎች (ስፒናች፣ ጎመን)
• ፍራፍሬዎች (ብርቱካን, ወይን ፍሬ)
• ባቄላ እና ጥራጥሬዎች 
• ሙሉ እህሎች እና
• የበለጸጉ እህሎች

በአመጋገብ በቂ ፎሊክ አሲድን የማያገኙ ወንዶች ተጨማሪ የፎሊክ አሲድ መድሃኒቶችን (አብዛኛውን ጊዜ 400 ማይክሮ ግራም) በየቀኑ በመውሰድ ጉድለቱን መሙላት ይችላሉ። ማንኛውንም ማሟያ መድሃኒት ከመጀመርዎ በፊት በተለይም የጤና ችግር ካለብዎ ወይም መድሃኒት የሚወስዱ ከሆነ ሐኪምዎን ያነጋግሩ።

መቼ ወደ ህክምና ይሂዱ?

ድካም ፣ ዝቅተኛ ስሜት ፣ የማስረገዝ ችግር ወይም ጤናዎን ሙሉ መሆኑን ብቻ ማረጋገጥ ከፈለጉ የጤና እንክብካቤ አቅራቢዎን የፎሌት ደረጃዎን እንዲመረምርሎት ይጠይቁ። ጠቃሚ ግንዛቤዎችን ሊሰጥ የሚችል ቀላል የደም ምርመራ ነው።

ፎሊክ አሲድ “የሴቶች ቫይታሚን” ብቻ አይደለም። ይህ የቫይታሚን ቢ ቪታሚን የመራባት ችሎታን ከማጎልበት አንስቶ የአዕምሮዎን፣ የልብዎን እና የሃይልዎን ደረጃ እስከመደገፍ ድረስ በእያንዳንዱ የህይወት ደረጃ ለወንዶች ጤና አስፈላጊ ነው። አባት ለመሆን እየሞከሩም ይሁኑ፣ በስራ ቦታዎ ላይ ለመቆየት ወይም ጥሩ ስሜት እንዲሰማዎት በቂ ፎሊክ አሲድን ማግኘት ትልቅ ለውጥ ሊያመጣ ይችላል።