የቆዳዬን አይነት እንዴት ማወቅ እችላለሁ(How can I know my skin type)
ቆዳ የሰውነት ትልቁ አካል ሲሆን ሰውነታችንን ከጉዳት፣ ከጀርሞች፣ ከፀሐይ ጨረር እና ከውሃ መጥፋት ይጠብቃል። በተጨማሪም የሰውነትን ሙቀት ይቆጣጠራል እና ለቫይታሚን D መመረት አስፈላጊ ሚና ይጫወታል።
የቆዳ አይነት በተፈጥሯዊ የቆዳ ዘይት (Sebum) መጠን፣ በቆዳ እርጥበት፣ በቆዳ መከላከያ አቅም እና ለውጫዊ ተጽዕኖዎች በሚሰጠው ምላሽ መሠረት ይመደባል። በአጠቃላይ መደበኛ፣ ደረቅ፣ ዘይታማ፣ ድብልቅ እና ስሜታዊ ቆዳ የሚባሉ ዓይነቶች አሉ። ከእነዚህ ውስጥ ስሜታዊ ቆዳ በራሱ የተለየ የቆዳ ዓይነት ሳይሆን ከሌሎቹ የቆዳ ዓይነቶች ጋር አብሮ ሊኖር የሚችል የቆዳ ሁኔታ ነው።
የቆዳ አይነትን ለማወቅ የመታጠብያ ምርመራ፣ የቲሹ ወረቀት (Blotting Paper) ምርመራ፣ በቀን ውስጥ የቆዳን ለውጥ መከታተል፣ የቆዳ ቀዳዳዎችን መመልከት እና ቆዳው ለእንክብካቤ ምርቶች የሚሰጠውን ምላሽ መገምገም የሚረዱ ቀላል ዘዴዎች ናቸው። ነገር ግን የቆዳዎን አይነት እና ጤንነት በትክክል ለማወቅ የቆዳ ሐኪም ወይም የቆዳ እንክብካቤ ባለሙያ የሚያደርገው ምርመራ ከሁሉም የበለጠ ትክክለኛ ነው። ይህም ትክክለኛ የቆዳ እንክብካቤ ምርቶችን እና ሕክምናዎችን ለመምረጥ፣ እንዲሁም የቆዳ ችግሮችን ቀድሞ ለመለየት እና ለመከላከል ይረዳል።
.png){kind=avatar}
