ኦዜምፒክ ተዓምረኛ ክብደት መቀነሻ ወይስ አደገኛ መድኃኒት?

ኦዜምፒክ (ሴማግሉታይድ) ክብደት ለመቀነስ ተዓምረኛ መድሃኒት እየተባለ ይጠራል።  ምንም እንኳን በመጀመሪያ መድኃኒቱ ሲሰራ የስኳር በሽታን ለማከም ቢሆንም ክብደት ለመቀነስ ያለው አስተዋጽኦ ቀላል የማይባል መሆኑ በተለያዩ ምርምሮች እና ጥናቶች የተረጋገጠ ነው። 

መድሃኒቱ የሚሰራው GLP-1 የተባለውን ተፈጥሮአዊ ሆርሞን በመምሰል ነው፣ ይህም የምግብ ፍላጎትን የሚቆጣጠር ሲሆን ፣ በተለይም ምግብ ከጨጓራ የሚወጣበትን ፍጥነት በመቀነስ፤ የተሻለ የደም የስኳር መጠን ቁጥጥር እንዲኖር ያደርጋል። በእነዚህ ምክንያቶች ይህንን መድሃኒት ተጠቃሚዎች ትንሽ ምግብ በልተው ቶሎ የጥጋብ ስሜት ይሰማቸዋል፤ ይህም ለክብደት መቀነስ አስተዋጽኦ ያደርጋል።        

ምንም እንኳን ኦዜምፒክ ክብደት ለመቀነስ የተዋጣለት ቢሆንም ፤ የጎንዮሽ ጉዳቶቹን እና ውስንነቶቹን መረዳት እጅግ በጣም ወሳኝ ነው።  

ከተለመዱት የጎንዮሽ ጉዳቶች መካከል   

• ማቅለሽለሽ፤ በተለይም የመጀመርያዎቹ ሳምንታት ውስጥ 
• ማስመለስ እና የሆድ መረበሽ 
• ማስቀመጥ ወይም የሆድ መድረቅ 
• የምግብ ፍላጎት መቀነስ እና ድካም 

እነዚህ ምልክቶች ከቀላል እስከ መካከለኛ የሚባሉት ምልክቶች ሲሆኑ ሰውነታችን ከመድሃኒቱ ጋር እየተላመደ ሲሄድ የመሻሻል ባህርይ ይኖራቸዋል። ነገር ግን የተወሰኑ ሰዎች አሳሳቢ የሚሆኑ ተጨማሪ የጎንዮሽ ጉዳቶች ሊደርስባቸው ይችላል። እነዚህ ምልክቶች 

• የሃሞት ከረጢት ህመም 
• የጣፊያ ህመም 
• ከባድ የጨጓራና አንጀት ምልክቶች 
• የስኳር መጠን መውረድ ፤ በተለይም ከሌሎች የስኳር መድኃኒቶች ጋር ሲቀላቀል 

ኦዜምፒክ ለሁሉም ሰው አይመከርም በተለይም የታይሮይድ ህመም እና የጣፊያ መቆጣት ያለባቸው ሰዎች ለከፋ ጉዳት የመዳረግ እድላቸው ከፍተኛ ነው። በተጨማሪም መድኃኒቱ በሚቋረጥበት ወቅት ሌሎች አጋዥ የክብደት መቆጣጠሪያ እርምጃዎች ካልተወሰዱ የክብድት መጨመር ሊከሰት ይችላል።               

በመሆኑም እንደ ኦዜምፒክ ያሉ መድሃኒቶች እንደ አፋጣኝ መፍትሄ ሳይሆን እንደ ህክምና አይነቶች መታየት አለባቸው። ዘላቂ የክብደት መጠን ቁጥጥር በጤናማ አመጋገብ ፤ የአካል እንቅስቃሴ እና ህክምና ምምክር ሲደረግ ሌሎች ተጓዳኝ ጉዳቶችን ለመቀነስ እና ለአካል ሁለንተናዊ ጤና  አስፈላጊ እርምጃ ነው።