የተቆጣ ቆዳን ለማከም ማድረግ ያለብን 5 ተፈጥሯዊ ነገሮች
የተቆጣ ቆዳን ማስታገስ የተፈጥሮ ምርቶችን እንደመጠቀም፣ እርጥበት እንደመቆየት እና አነስተኛ የአኗኗር ዘይቤዎችን ማስተካከል ቀላል ሊሆን ይችላል። የተቆጣ ወይም ሴንሴቲቭ የሆነን (sensitive) ቆዳን ለማስታገስ እና ጤናውን ለመጠበቅ የሚረዱ 5 የተፈጥሮ ዘዴዎች የሚከተሉት ናቸው።
- የሬት ቅጠል ቅባት (Aloe Vera Gel): ተፈጥሯዊ የማቀዝቀዝ እና ፀረ-ብግነት (anti-inflammatory) ባህሪ ስላለው የተቃጠለ፣ የተጎዳ ወይም የቀላ ቆዳን በፍጥነት ለማስታገስ ይረዳል። ንጹህ የሬት ጄል በቀጥታ ወደ ተቆጣው ቆዳ መቀባት ይመረጣል።
- አጃ (Oatmeal): የአጃ መታጠቢያ ማዘጋጀት (oatmeal bath) የቆዳ ማሳከክን እና መቅላትን ለማከም በጣም ውጤታማ ነው። የቆዳን እርጥበት ለመስጠት እና የቆዳውን ተፈጥሯዊ መከላከያ ሽፋን በመጠገን የተቆጣ ቆዳን ያረጋጋል። ይህ መታጠቢያ ልጆች በኩፍኝ ሲያዙ ማዘጋጀት እና ማጠብ በኩፍኝ ምክንያት የተቆጣ እና የሚያሳክክ ቆዳን እረፍት ይሰጣል ።
- ቀዝቃዛ ውኃ ወይም ፎጣ (Cold Compress): ንጹህ ጨርቅ በቀዝቃዛ ውኃ በማራስ ለ10-15 ደቂቃ ያህል በተቆጣው የቆዳ ክፍል ላይ ማስቀመጥ እብጠትን እና የቆዳ መቆጣትን ይቀንሳል። በተለይ በተለያየ ምክንያት (ጸሃይ፣ ፍል ውሃ፣ እሳት …) የተከሰተ ቃጠሎ ካለ ለ10 እስከ 15 ደቂቃ ቀዝቃዛ ውሃ ቀጥታ ወደተቃጠለው የቆዳ ክፍል ማፍሰስ ጉዳቱን እና ቃጠልሎውን ለማከም ይረዳል። ነገር ግን እዚህ ጋር ማስተዋል ያለብን ነገር ቢኖር በተቆዳቅ ቆዳ ላይ ወይንም በተቃጠለው ቆዳ ላይ በቀጥታ በረዶ ማስቀመጥ በጥቅም ይልቅ ቆዳን ይጎዳል ስለዚህ በረዶ ከማድረግ መቆጠብ ይኖርብናል።
- የኮኮናት ዘይት (Coconut Oil): የኮኮናት ዘይት በጣም ጥሩ የሆነ የቆዳ እርጥበት ማቆያ (moisturizer) ሲሆን፤ ባክቴሪያን የመከላከል እና የቆዳ መቆጣትን የማስታገስ አቅም አለው። ሆኖም ግን ለወዛም ቆዳ አይመከርም።
- የፀሐይ መከላከያ (Sunscreen)፦ የፀሐይ ጨረር መቆጣትን ስለሚያባብስ፣ በየቀኑ ዚንክ ኦክሳይድ (Zinc Oxide) ያለው የፀሐይ መከላከያ መቀባት። ኬሚካሎችን ማቆም፦ ቆዳው እስኪድን ድረስ ሜካፕ፣ የፊት ስክረብ (scrubs)፣ እና እንደ ሬቲኖል (Retinol) ያሉ ጠንካራ ኬሚካሎችን ሙሉ በሙሉ ማቆም።
የቆዳዎን ጤና እና ውበት በተገቢው መንገድ ለመንከባከብ የሚያግዙ ተጨማሪ ነጥቦች
በቂ ውሃ መጠጣት፡ ውሃ ቆዳን እርጥበት አዘል እና ልሙጥ በማድረግ መርዛማ ነገሮችን ከሰውነት ለማስወገድ ይረዳል። በቀን ቢያንስ ከ 2 እስከ 3 ሊትር ውሃ መጠጣት ይመረጣል።
ሰዎች ጊዜው ያለፈበትን የውበት መጠበቂያ ሲጠቀሙ ፊታቸው ወዲያው ይቆጣል። ለዚህም ውሃ ጨው ጨምሮ በማፍላት ፎጣን በመጠቀም ወደ በፊቱ ቆዳቸው እንዲመለስ ይረዳል።
ቆዳችን በተፈጥሮው በየ28ኛው ቀን ስለሚቀያየር አላስፈላጊ ቆዳዎችን በማስወገድና ተገቢውን እንክብካቤ በማድረግ ለቀጣዩ የውበት አጠባበቅ ዝግጁ ማድረግ ይቻላል።
ፊታቸው በተፈጥሮ ደረቅ የሆኑ ማር፣ እርጎ፣ እርድ እና ሎሚ በማዋሐድ ከ20 እስከ 40 ደቂቃ በማቆየት በመታጠብ ድርቀትን የሚከላከል ሲሆን በተጨማሪ ብጉርን ባለበት እንዲደርቅ ያደርጋል።
በየቀኑ ከ 7 እስከ 8 ሰዓታት መተኛት ቆዳ እራሱን እንዲያድስ እና የዓይን አካባቢ ጥቁረት (Dark circles) እንዳይፈጠር ይረዳል።
ጤናማ አመጋገብ አትክልትና ፍራፍሬ፡ እንደ ቲማቲም፣ ቤሪስ፣ አረንጓዴ ቅጠላማ አትክልቶች ያሉ በፀረ-ኦክሲዳንት (Antioxidants) የበለፀጉ ምግቦች የቆዳን እርጅና ይከላከላሉ። በተጨማሪ ቫይታሚን ሲ እና ኢ፡ የቆዳን የመለጠጥ አቅም በመጠበቅ ብሩህነትን ይሰጣሉ።
የትራስ ጨርቅን በየጊዜው ማጠብ፦ የትራስ ጨርቅን ቢያንስ በሳምንት አንድ ጊዜ መቀየር። የትራስ ጨርቅ ባክቴሪያ፣ ላብ እና የፀጉር ቅባትን ስለሚይዝ ወደ ፊትዎ ተመልሶ እንዳይዛመት ይከላከላል።
ውጥረትን (Stress) መቀነስ፦ ከፍተኛ ጭንቀት ኮርቲሶል የተባለ ሆርሞን እንዲመነጭ ያደርጋል። ይህ ሆርሞን ቆዳ ብዙ ቅባት እንዲያወጣ በማድረግ ለብጉር ይዳርጋል።
ስኳር እና የወተት ተዋጽኦዎችን መቀነስ፦ ጣፋጭ ምግቦች፣ ለስላሳ መጠጦች እና ነጭ ዳቦ የደም ስኳርን ስለሚጨምሩ ለቆዳ መቆጣት እና ለብጉር መፈጠር ምክንያት ሊሆኑ ይችላሉ።
አዘውትሮ ስፖርት መስራት፦ የአካል ብቃት እንቅስቃሴ ማድረግ የደም ዝውውርን ያሻሽላል። ይህ ደግሞ ኦክሲጅን እና አልሚ ምግቦች በቀጥታ ወደ ቆዳ ሴሎች እንዲደርሱ በማድረግ የተፈጥሮ ማብራት (Glow) ይሰጣል።
የባለሙያ ምክር መጠየቅ: የቆዳዎ ሁኔታ ድንገተኛ መጥፎ ለውጦች ካሳየ (እንደ ብጉር፣ ሽፍታ ወይም መቅላት) በራስዎ ከመወሰን አስቀድመው የቆዳ ስፔሻሊስት ሐኪም (Dermatologist) ማማከር ይኖርብዎታል።
