መራመድ ወይስ መሮጥ ለጤና ይሻላል?

                  መራመድ ወይስ መሮጥ ለጤና ይሻላል?

መራመድ እና መሮጥ በጣም ተደራሽ እና ታዋቂ ከሆኑ የአካል ብቃት እንቅስቃሴዎች ውስጥ ዋነኞቹ ሲሆኑ ግዴታ ጂም፣ ልዩ መሳሪያ ወይም የላቀ ስልጠና አያስፈልጋቸውም። ታዲያ ብዙ ሰዎች የሚያነሱት ጥያቄ “መራመድ ወይስ መሮጥ ለጤና የተሻለ ነው?” የሚለው ነው። መልሱ እንደ ግቦችዎ፣ የአኗኗር ዘይቤዎ እንዲሁም የአካላዊ ሁኔታዎ ሲወሰን ለእርስዎ የሚበጀውን መምረጥ እንዲችሉ ይህን ጽሁፍ ያንብቡ።

የእግር ጉዞ

በእግር መሄድ በመገጣጠሚያዎች እና በጡንቻዎች ላይ ቀላል ተጽእኖ ብቻ ስለሚኖረው ለጀማሪዎች ጥሩ መነሻ የአካል ብቃት እንቅስቃሴ ነው።

የመራመድ ጤና ጥቅሞች

• የደም ዝውውርን በማሻሻል እና የደም ግፊትን በመቀነስ የልብ ጤናን ይደግፋል
• በዘላቂነት መራመድ ክብደትን ለመቆጣጠር ይረዳል
• ከቤት ወቶ መራመድ ጭንቀትን ይቀንሳል
• በጊዜ ሂደት የእግር ጡንቻዎችን ያጠናክራል
• ከመሮጥ ጋር ሲነፃፀር መራመድ የመጎዳት አደጋን ይቀንሳል

መራመድ ለማን የተሻለ ነው?

• ለጀማሪዎች ወይም ከረጅም ጊዜ በሃላ ወደ አካል-ብቃት እንቅስቃሴ ለሚመለሱ
• ከጉዳት ለሚያገግሙ ሰዎች
• የመገጣጠሚያ ህመም ላለባቸው ሰዎች
• ረጋ ያለ እና ዘላቂ የአካል-ብቃት እንቅስቃሴ ለሚፈልግ ማንኛውም ሰው

ጥቅሞችን ለማየት ቢያንስ በቀን ለ30 ደቂቃ ፈጣን የእግር ጉዞን ያድርጉ።

ሩጫ

መሮጥ ሰውነትዎ ጠንክሮ እንዲሰራ እና ካሎሪዎችን በአጭር ጊዜ እንዲያቃጥል የሚያደርግ ኃይለኛ እና ከፍተኛ ተጽእኖ ያለው የአካል ብቃት እንቅስቃሴ ነው።

የመሮጥ የጤና ጥቅሞች

• ካሎሪዎችን በፍጥነት በማቃጠል ክብደትን ለመቀነስ ይረዳል
• የልብ ጡንቻን ያጠነክራል እንዱሁም የሳንባዎችን አቅም ያሻሽላል
• ከፍተኛ ተጽእኖን በማሳደር ጠንካራ አጥንትን ለመገንባት ይረዳል
• ኢንዶርፊን የተሰኘ ኬሚካል እንዲለቀቅ በማድረግ የአይምሮ ውጥረትን ይቀንሳል

ይሁን እንጂ ሩጫ በጉልበት፣ በዳሌ መገጣጠሚያ እና በቁርጭምጭሚት ላይ ተጨማሪ ጫና እና አደጋን ይጨምራል። ስለዚህም ትክክለኛ ቴክኒክ እና ጫማ መጠቀም ያስፈልጋል። 

መሮጥ ለማን የተሻለ ነው?

• ፈጣን ውጤትን ለሚፈልጉ ሰዎች
• የመገጣጠሚያ ችግር ለሌለባቸው ሰዎች
• የዳበረና ጥሩ የልብ ጤና ላላቸው ሰዎች

ስለዚህ የትኛው የተሻለ ነው?

መሮጥ እና መራመድ ሁለቱም ለጤናዎ ጥሩ ሲሆኑ ጥሩው ምርጫ በግል ግቦችዎ ላይ የተመሠረተ ነው።

• በእግር መሄድ የበለጠ ደህንነቱ የተጠበቀ፣ ቀላል እና ለረጅም ጊዜ ለማስቀጠል የማይከብድ እንቅስቃሴ ነው።
• ሩጫ ፈጣን እና ጠንካራ አካል ለመገንባት የሚጠቅም ሲሆን ነገር ግን ከመራመድ ጋር ሲነጻጸር የመጎዳት እድል ይጨምራል።
• ከእርስዎ የአኗኗር ዘይቤ፣ ግብ እና ምቾት ጋር የሚስማማውን ይምረጡ ወይንም ሚዛናዊ በማድረግ ሁለቱንም ያጣምሩ።