Post pilii (Kiniinii ittisa ulfaa’inaa yeroo hatattamaa)

                  Post pilii (Kiniinii ittisa ulfaa’inaa yeroo hatattamaa) 

Kiniiniin ulfa ittisuu hatattamaa (ECP) qoricha walqunnamtii saalaa of eeggannoo malee erga raawwatamee booda ykn qoricha ulfa ittisuu dadhabuun carraa ulfaa hir’isuuf fudhatamuudha.

• Akka mala ittisa ulfaa idilee jalqabaatti osoo hin taane haalawwan balaa tasaatif kan yaadamedha.
• Ulfa ittisuu hatattamaa walqunnamtii saalaa erga raawwatanii booda guyyoota 3 (sa’aatii 72) keessatti fayyadamuun ni danda’ama, garuu akka waliigalaatti yeroo dafee yoo fayyadamne caalaatti bu’a qabeessa. 
• Tarkaanfii Ijoo post piilii: Ovulation (hanqaaquu gadhiisuu) dhaabsisa ykn harkifachiisa kanaaf isparmiin walhormaata gochuu hin danda’u.Kiniinii Ulfa Baasu Miti: Yoo hanqaaquun walhormaataa duraan gadameessa keessa kaa’ame hin hojjetu 

Gosoota kiniinii ulfa ittisuu hatattamaa

Akka qabeenya fayyaa kan akka qajeelfama Healthline Waa’ee Ulfa Ittisa Yeroo Hatattamaa jedhutti gosoota gurguddoo sadii qabu:-

1,Kiniinii Levonorgestrel:

• Fakkeenyaaf Plan B One-Step fi qorichoota wal-fakkaatan 
• Hormonii progestin kan ovulation harkifatu of keessaa qaba.
• Walqunnamtii saalaa booda sa'aatii 72 (guyyaa 3) keessatti yoo fudhatame akka gaariitti hojjeta

2,Ulipristal Acetate Pills:

• Maqaan birandii kanaa Ella of keessaa qaba.
• Ovulation guyyaa gadhiifamuutti daran dhihootti akka harkifatuuf fudhatoota progesterone uggura.
• Walqunnamtii saalaa booda hanga sa'aatii 120 (guyyaa 5) bu'a qabeessa

3,Kiniinii Estrojiiniifi Pirojestiroonii Walitti Makame:

• Sirna addaa doosiin ol’aanaa kiniinii to’annoo da’umsaa idilee.
• Qajeelfama yaalaa jalatti yoo kiniiniin hatattamaa adda ta’e hin argamne 

Bu’a qabeessummaa (Effectiveness )

Bu’a qabeessummaan fayyadamaa irratti hundaa’a: Bu’a qabeessummaa gaarii ta’eef, kiniiniin sa’aatii 72 keessatti dafanii fudhatamuu qaba, erga walqunnamtii saalaa of eeggannoo hin qabne ykn kufaatii ittisa ulfaa beekamaa ykn shakkame.

Eenyuutu Postpill fayyadamuu danda'a

Dubartiin kamiyyuu yeroo murtaa’e keessatti yoo duraan ulfa hin taane qoricha ulfa ittisuu afaaniin hatattamaa fayyadamuu ni dandeessi.

Kan Postpill fayyadamuu hin dandeenye

Dubartoota kanneen:

• Ulfa beekamaa ykn shakkame, .
• Levonorgestrel irratti garmalee miira qabaachuu
• Dhiigni qaama saalaa kan hin baramne kan hin adda baafamne
• Hojiin kalee akka malee hir’achuu
• Dubartoota sa'aatii 72 oliin dura walqunnamtii of eeggannoo malee raawwatan 

Miidhaa Cinaa(side effect):-

• Jijjiirama akkaataa dhiiguu kanneen akka:

  Postpill erga fudhatanii booda guyyoota 1-2f dhiigni xiqqoo sirnaan hin baane

  Dhiigni ji’a ji’aan kan eegamu caalaa dursee ykn booda jalqabu

• Ol nama jechuu
• Dhukkubbii garaa
• Bututaa
• Mataa dhukkubbii
• Mataa naanna’uu 
• Garaa kaasaa
• Harma lallaafaa ta’uu