ከፅንስ ማስወረድ በኋላ የሚደረግ እንክብካቤ?

ከፅንስ ማስወረድ በኋላ የሚደረግ እንክብካቤ፣ ፅንስ ካስረደን በኋላ ምን እንጠብቅ ?

አብዛኛዎቹ ሴቶች ከፅንስ ማስወረድ በኋላ  በፍጥነት ይድናሉ። ከውርጃ በኋላ ትንሽ ህመም እና የደም መፍሰስ ሊኖርብዎት ይችላል። ነገር ግን ብዙውን ጊዜ  እነዚህ ሁኔታዎች በጥቂት ቀናት ውስጥ ይቆማሉ ከዛም በቶሎ ወደቀደመው ሁኒታዎ ይመለሳሉ ነገር ግን ውስብስብ ችግሮች ሊኖሩ ይችላሉ ። 

ከፅንስ ማስወረድ በኋላ የሚደረግ እንክብካቤ ምንድን ነው?

ከፅንስ ማስወረድ በኋላ የሚደረግ እንክብካቤ ማህፀን ሙሉ በሙሉ ባዶ መሆኑን ለማረጋገጥ ትንሽ በመድሃኒት  ወይንም በቀዶ ጥገና የሚሰጥ ህክምና እና  አሰራርን ያካትታል ነገር ግን እንደ ሁኔታው ከውርጃ ጋር ተያይዞ የሚኖርን ​​ኢንፌክሽን ወይም ውስብስብ ጉዳት ማከምንም  ያካትታል። 

ፅንስ ካስወረድዎሽ በኋላ ምን ሊፈጠር ይችላል ?

አንዲት ሴት ፅንስ ካስወረዳት  በኋላ ወዲያውኑ ለተወሰኑ ቀናት የማቅለሽለሽ፣ የማስመለስ እና የድካም ምልክቶች ሊታዩ ይችላሉ። ይህ ደግሞ የተለመደ ነው። የጡት ህመም  በሳምንት ውስጥ ወይንም እስከ 10 ቀናት ውስጥ  ሊጠፉ ይችላሉ።

ቀጣይ የወር አበባሽ ውርጃ ከነበረ በኋላ ባሉ  ከ4-6 ሳምንታት በኋላ ይጀምራል። ከውርጃ በሁላ  ከ 6 ሳምንታት በኋላ የወር አበባ ካላየሽ፣ የእርግዝና ምርመራ ማድረግ አለብሽ። ምርመራው  አዎንታዊ ከሆነ ከሐኪምሽ ጋር ወዲያውኑ ምክክር እንዲጀምሪ  ይመከራል። ከውርጃ በኋላ ወዲያውኑ የሚኖር የደም መፍሰስ የወር አበባ አለመሆኑን ማስታወስ ጠቃሚ ነው። 

ፅንስ ካስወረደሽ  በኋላ ለሁለት ቀናት እረፍት እንዲኖር ይመከራል፣ ነገር ግን በአጠቃላይ፣ አብዛኛዎቹ ሴቶች የአካል ብቃት ያላቸው ከሆነ  በአንድ ወይም በሁለት ቀን ውስጥ ወደ መደበኛ እንቅስቃሴያቸው ቢመለሱ በቂ ነው።

ምልክቶቹን ለማስታገስ ምን ማድረግ እችላለሁ?

በደንብ የሚደግፍ የጡት መያዣ ማድረግ እና በጨርቅ የተጠቀለለ በረዶ በጡትሽ ላይ ማድረግ  የበለጠ ምቾት ሊሰጥሽ እና  ህመም ሊያስታግስልሽ  ይችላል። ለህመሙ  አስፈላጊ ከሆነ የህመም ማስታገሻ መድሃኒቶችን ውሰጂ። 

ከፅንስ ማስወረድ በኋላ ከሚከሰቱት አካላዊ ምልክቶች ጋር፣ ለአንዳንድ ሴቶች እንደ ሀዘን ወይም የጥፋተኝነት ስሜት ያሉ ስሜቶችን ማየት የተለመደ ነገር ነው ። ይህ ከተከሰተ ከአንድ ከሚያምኑት እና ከሚተማመኑበት  ሰው ጋር እንዲነጋገሩ ይመከራል ወይም ከውርጃ በኋላ የምክር አገልግሎት የሚሰጡ የህክምና ባለሙያዎችን ማማከር ይችላሉ። 

የተለመዱ ፅንስ ማስወረድ የጎንዮሽ ጉዳቶች

ከመድኃኒት ወይም ከሥነ ሥርዓት ውርጃ በኋላ የደም መፍሰስ እና ቁርጠት የተለመዱ ናቸው። ብዙ ሰዎች ማቅለሽለሽ፣ የጡት ወይም የደረት ቲሹ እና የሴት ብልት ፈሳሾችን ጨምሮ ተጨማሪ የጎንዮሽ ጉዳቶች ያጋጥማቸዋል።

የደም መፍሰስ

ሁሉም ሴት ከፅንስ ማስወረድ  በኋላ የተለያየ መጠን ያለው የደም መፍሰስ ያጋጥመዋል.

የመድሃኒት ውርጃ ካደረግሽ , መድሃኒቱን  በሚወስዱበት ቀን አብዛኛው የደም መፍሰስ ሊያጋጥምሽ ይችላል።  የመድኃኒት ፅንስ ማስወረድ ከሥርዓት ፅንስ ማስወረድ የበለጠ ደም መፍሰስ ያስከትላል፣ ይህም በአማካይ ለዘጠኝ ቀናት ይቆያል።

የሂደት ውርጃን ተከትሎ፣ ብዙ ደም ላያፈስ ይችላል ወይም በጭራሽ ምንም ደም  በመጀመሪያዎቹ ጥቂት ቀናት ላይፈስ ይችላል ። ከ3-5 ቀናት በኋላ ደም መፍሰስ ሊጀምር ይችላል።  ልክ እንደተለመደው የወር አበባሽ። 

ቀላል የደም መፍሰስ ከጥቂት ቀናት እስከ 2 ሳምንታት አካባቢ ሊቆይ ይችላል። ለአንዳንዶች የደም መፍሰስ ሊጠፋ እና ሊመለስ ይችላል። ብዙም ግዜ ባይከሰትም የደም መፍሰስ ጽንስ ከወረደ በኋላ እስከ አራት ሳምንታት ወይም ለአንዳንድ ሰዎች ረዘም ያለ ጊዜ ሊቆይ ይችላል። 

ህመም እና ቁርጠት

የሆድ ቁርጠት እና ህመም  የሚጠበቅ ነው። ሰውነትሽ ጽንስን እንደሚያስወጣ እና ማህፀንን ወደ በፊት ወይም ወደ ቀድሞ እርግዝና መጠን እየመለሰ እየሆነ  የሚያሳይ ምልክት ነው። ከፅንስ ማስወረድ በኋላ ያለው ህመም ብዙውን ጊዜ ከተለመደው የወር አበባ ቁርጠት የበለጠ ጠንካራ እና ከፍ ያለ ነው። 

በቀዶ ጥገና ወይንም ሌላ መንገዶች ፅንስ ካስወረድሽ  ፣ ቁርጠትዎ መጀመሪያ ላይ እንደ የወር አበባ አይነት ህመም ሲኖር ከሂደቱ በኋላ ከ 3 እስከ 5 ቀናት ውስጥ ከመጠን በላይ ህመሙ በፊት ከነበረው በላይ  ሊሰማ ይችላል።

በመድሃኒት የታገዘ የፅንስ ማስወረድ እ.ኤ.አ. በ 2012 በተደረገ ጥናት 78.4% የሚሆኑ ሴቶች መካከለኛ ወይም ከባድ የሆነ ቁርጠት እንዳለው ሪፖርት  አድርገዋል።

የመድኃኒት ፅንስ ማስወረድ የሚመጡ ቁርጠት በአጠቃላይ ፅንስ ማስወረድ ሂደት  ከሚያስከትሉት ቁርጠት ያነሰ ህመም ተደርገው ይወሰዳሉ ። ይሁን እንጂ በመድሃኒት ውርጃ ላይ የሚደርሰው ሥቃይ ረዘም ላለ ጊዜ ይቆያል። 

አንዳንድ ሰዎች ፅንስ ካስወገዱ በኋላ ከሌሎች የበለጠ ህመም እንዳለው  ይናገራሉ። ከሌላው የውርጃ አይነት በመድሃኒት የሚደረግ ውርጃ ለሌላው የበለጠ ህመም ሊሰማቸው የሚችል ሴቶች የሚከተሉትን ሊያካትቱ ይችላሉ፡-

• ፅንሱን ከማስወረድ በፊት ረዘም ላለ ጊዜ ነፍሰ ጡር ከነበሩ

• ወጣት ሴቶች

• ከዚህ በፊት በማህጸን ያልወለዱ

• የወር አበባ ጊዜ የህመም ታሪክ ያላቸው ሰዎች (dysmenorrhea)

• ስለ ውርጃው መጥፎ  ስሜቶች የሚሰማቸው ወይም ማህበራዊ(የቤተሰብ) ድጋፍ የሌላቸው ሰዎች

ሌሎች የጎንዮሽ ጉዳቶች

የሁሉም ሰው አካል የተለየ ነው፣ እና ፅንስ ካስወገደ በኋላ ከእነዚህ ምልክቶች መካከል ጥቂቶቹ፣ ሁሉም ወይም አንዳቸውም ላያጋጥሙሽ ይችላሉ።

የጡት ወይም የደረት ህመም፡ የጡት ወይም የደረት ህመም ፅንስ ከሂደቱ ጋር  የጀመረ እና ከውርጃ በኋላ ለተወሰነ ጊዜ ሊቀጥል ይችላል። ለብዙ ሰዎች ከውርጃ ጋር ተያይዞ የሚኖሩ ህመሞች በመጨረሻ የሚጠፋው ምልክት ነው። 

የደም መፍሰስ፡ ከቀይ ወይም ከሐምራዊ እስከ ቡናማ ወይም ጥቁር ቀለም ያለው ትንሽ ንፍጥ የመሰለ ፈሳሽ ማጋጠሙ ያልተለመደ ነገር አይደለም። 

ማቅለሽለሽ፣ ማስታወክ ወይም ተቅማጥ፡ የጨጓራና  ምልክቶች የመድሃኒት ውርጃን ተከትሎ ለ24 ሰአታት ያህል ወይም የውርጃ መድሃኒት ከወሰዱ በኋላ ለተወሰኑ ቀናት ሊቆዩ ይችላሉ።እነዚህ ችግሮች  ከዚያ በላይ የሚቆይ ከሆነ የጤና  ባለሙያን ማማከር እና  መከታተል ያስፈልጋል ፣ ነገር ግን የድንገተኛ አደጋ ምልክት ላይሆን ይችላል።

ብርድ ብርድ ማለት፡- አንዳንድ ሰዎች ብርድ ብርድ ማለት እና መንቀጥቀጥ ያጋጥማቸዋል። 

ድካም፡  እንደማንኛውም የሕክምና ሂደት፣ ሰውነትዎ ለማገገም ትንሽ ተጨማሪ እረፍት እና የእረፍት ጊዜ ሊፈልግ ይችላል። እንቅልፍ እንቅልፍ ሊልሽ  ይችላል ወይም ከተለመደው ያነሰ ጉልበት እና ሃይል ወኡንም መነቃቃት ላይኖርሽ ይችላል።

በውርጃ ምክንያት የሚመጡ ከባድ ችግሮች ትንሽ  ናቸው ። በጣም ከተለመዱት ችግሮች ያልተሟሉ ፅንስ ማስወረድ እና ኢንፌክሽኖች ያካትታሉ።

ልንጠነቀቅባቸው የሚገቡ አንዳንድ ምልክቶች እዚህ አሉ፡-

• ረዘም ላለ ጊዜ የሚቆይ ከባድ ደም መፍሰስ (ሁለት ምዴስ በአንድ ሰዓት ውስጥ ለሁለት ተከታታይ ሰዓታት የምንቀይር ወይንም አንድሞዴስ በየአንድ ሰዓት ልዩነት ለተከታታት ሶስት ሰዓታት  )

• የረጋ ደም ሎሚ መጠን የሚበልጥ የሚወጣ ከሆነ

• ከባድ ህመም ወይም ቁርጠት፡  በተለይም ህመሙ ከጊዜ ወደ ጊዜ እየጨመረ ከሄደ ወይም የህመም ማስታገሻ መድሃኒት ከተወሰደ በኋላ ማይጠፋ ከሆነ 

• ትኩሳት  የሰውነት የሙቀት መጠን 100.4ºF (38ºC) ወይም ከዚያ በላይ

• መጥፎ ሽታ ያለው የብልት ፈሳሽ

ከላይ ከተጠቀሱት ውስጥ አንዱን ካጋጠመሽ ወዲያውኑ የህክምና ባለሙያ ማማከር ይኖርብሻል።  ፅንስ ካስወረድሽ  ከ 2 ሳምንታት በኋላ ከእርግዝና ጋር የተያያዙ  የጎንዮሽ ጉዳቶች አሁንም ከተሰማሽ ወይም ፅንስ ማስወረጃ  መድሃኒቶችን  ከወሰድሽ በኋላ ምንም አይነት ደም ካልፈሰሰ ወዲያውኑ የህክምና ባለሙያ ጋር መሄድ ይኖርብሻል ምክንያቱም እነዚህ ያልተሟላ ፅንስ ማስወረድ ምልክቶች ሊሆኑ ስለሚችሉ። 

የጎንዮሽ ጉዳቶችን ለመቀነስ የሚረዱ  ምክሮች

• ቁርጠትን ለመቀነስ  ማሞቂያ ፓድን ወይም የሞቀ ውሃ ቆዳን በማያቃጥል መልኩ በሆድ ላይ ማድረግ።

• ህመምን ለመቀነስ እንደ አይቦፕሮፌን ( ibuprofen ) ወይም ታይለኖል  (Tylenol) ያሉ መድሃኒቶችን መውሰድ ። ነገር ግን አስፕሪን ወይም አስፕሪን የያዙ መድሃኒቶች የደም መፍሰስን ሊጨምር ስለሚችል እንደ የህመም ማስታገሻነት  ከመጠቀም ተቆጠቢ።

• ቁርጠት ያለበት ቦታ ላይ ሆዱን ማሳጅ ማድረግ ወይንም ማሸት። የእምብርት በታች ያለው የሆድ ክፍል  ማሳጅ በማድረግ በጣትዎ ጫፍ ላይ በጠበቅ አድርገን ለ10 ደቂቃ መጫን ወይም ከዚያ በላይ መታሸት።

• የጡት ህመምን ለማስታገስ የሚያግዝ ጠበቅ ያለ የጡት ማስያዣ ማድረግ።

• ፈሳሽ በበቂ ሁኔታ እና በደንብ መውሰድ ፣ በተለይም ማስታወክ ወይም ተቅማጥ እያጋጠመሽ ከሆነ ስለ የወጣው ፈሳሽ በደንብ መተካት እና ወደ ሰውነት መመለስ አለበት ።

• እንደ ሻይ ያሉ ሙቅ ፈሳሾችን መጠጣት ፣ ይህም ጭንቀትን ለመቆጣጠር፣ በቂ ፈሳሽ እንዲኖር እና የጨጓራ  ምልክቶችን ለማቃለል ይረዳል።

• የቤተሰብ ፣ጓደኛ እና ማህበረሰብ ድጋፍ ስርዓት ይኑርሽ። አንቺ በፍጥነት እንድታገግሚ ጓደኞች እና ቤተሰቦች በጣም ጠቃሚ ሊሆኑ ይችላሉ።

በመጨረሻም የሁሉም ሰው ከውርጃ በኋላ የሚኖር የማገገም ሂደት የተለያየ ነው ። ከሂደቱ በኋላ ከሰውነትሽ እና ከአእምሮሽ ጋር የተለየ ነገር መኖር አለመኖሩን እና ስለማንኛውም ምልክቶችሽ  የሚያሳስብሽ ነገር ካለ ወይም የተጠራጠርሽው ነገር ካለ ወዲያውኑ የቤተሰብ እና የጤና ባለሙያ  እርዳታ ከመጠየቅ ወደኋላ እንዳትይ።