ማረጥ እና የአካል ለውጥ

ማረጥ እና የአካል ለውጥ 

ማረጥ በሴቶች ሕይወት ውስጥ የሚከሰት ተፈጥሯዊ ሂደት ቢሆንም፣ በሰውነት ውስጥ የኢስትሮጅን (Estrogen) ሆርሞን መቀነስ ከፍተኛ የአካልና የሥነ-ልቦና ለውጦችን ያመጣል።

ዋና ዋና ምልክቶች፡

• ድንገተኛ የሰውነት ሙቀት መጨመር (Hot flashes)
• የሌሊት ላብ እና የእንቅልፍ መዛባት
• የስሜት መለዋወጥ (ጭንቀትና መከፋት)
• የአጥንት መሳሳት (Osteoporosis)

በዚህ ወቅት የተመጣጠነ ምግብ መውሰድ ወሳኝ ቢሆንም፣ በምግብ ብቻ ማግኘት የማንችላቸውን ንጥረ-ነገሮች ከተጨማሪ ምግቦች (Supplements) ማግኘት የኑሮ ጥራታችንን ይጨምራል።

የግድ የሚያስፈልጉ 5 ዋና ዋና ተጨማሪ ምግቦች

1. ካልሲየም (Calcium)

በማረጥ ወቅት የኢስትሮጅን መቀነስ አጥንት በፍጥነት እንዲሳሳ ያደርጋል። ካልሲየም የአጥንትን ጥንካሬ ለመጠበቅና ስብራትን ለመከላከል ቁልፍ ነው።

ማሳሰቢያ: በቀን 1,200mg አካባቢ መውሰድ ይመከራል።

2. ቫይታሚን ዲ (Vitamin D)

ቫይታሚን ዲ ካልሲየም ወደ አጥንታችን እንዲገባ ይረዳል። በተጨማሪም በሽታ የመከላከል አቅምን ይጨምራል። ብዙዎቻችን ከፀሐይ በቂ ቫይታሚን ዲ ስለማናገኝ በክኒን መልክ መውሰድ አስፈላጊ ሊሆን ይችላል።

3. ኦሜጋ-3 (Omega-3 Fatty Acids)

የልብ ጤንነትን ለመጠበቅና የሰውነት መቆጣትን (Inflammation) ለመቀነስ ይረዳል። እንዲሁም በማረጥ ወቅት የሚከሰትን የሴት ብልት ድርቀትንና የቆዳ መድረቅን ለመከላከል ይረዳል።

4. ማግኒዥየም (Magnesium)

ለተስተካከለ እንቅልፍ እና ለጭንቀት መቀነስ እጅግ ጠቃሚ ነው። ማግኒዥየም ጡንቻዎች እንዲዝናኑ በማድረግ የሌሊት ቁርጥማትንና ድካምን ይቀንሳል።

5. ብላክ ኮሆሽ (Black Cohosh)

ይህ የተፈጥሮ ዕፅዋት ተዋጽኦ ሲሆን፣ በተለይ ለድንገተኛ የሰውነት ሙቀት (Hot flashes) እና ለሌሊት ላብ ፍቱን እንደሆነ ይነገራል።

ጥንቃቄ እና የአኗኗር ዘይቤ

ተጨማሪ ምግቦችን ከመጀመርዎ በፊት ማወቅ ያለብዎት ነገሮች፡-

• ከሐኪም ጋር መመካከር፦ አንዳንድ ተጨማሪ ምግቦች ከሌሎች መድኃኒቶች ጋር ሊጋጩ ስለሚችሉ መጀመሪያ ሐኪምዎን ያማክሩ።
• ጥራት ያለው ምርት መምረጥ፦ በታወቁ ድርጅቶች የተመረቱና የጥራት ደረጃቸውን የጠበቁ ምርቶችን ብቻ ይጠቀሙ። 
• እነዚህ "ተጨማሪ" እንጂ የምግብ ምትክ አይደሉም። አሁንም አትክልትና ፍራፍሬ መመገብዎ ይቀጥሉ።