ብጉር የቆዳ ቀዳዳዎች በሞቱ የቆዳ ሕዋሳት፣ በቅባት እና በባክቴሪያዎች ሲደፈኑ የሚፈጠር  የቆዳ ችግር ነው። 

ይህም 

• ቆዳው እንዲቀላ፣ 

• እንዲያብጥና 

• እንዲቆጣ ያደርገዋል። 

በተገቢው ሁኔታ ያልታከመ ብጉር በቆዳ ላይ ጠባሳ በማምጣት የቆዳን ውበት ይቀንሳል፡፡ 

ለብጉር የሚያጋልጡ ሁኔታዎች የሚከተሉት ናቸው።

• ዕድሜ፤ በተለይም በዓሥራዎቹ  የዕድሜ ክልል ውስጥ በጣም የተለመደ ነው፡፡

• የሆርሞን ለውጦች፤ በጉርምስና  ወይም በእርግዝና ወቅት፤ 

• በቤተሰብ ተመሳሳይ ታሪክ ካለ፤

• የተወሰኑ መድኃኒቶች (Corticosteroids)

• አመጋገብ፤ ከፍተኛ ቅባት ያላቸው ምግቦች ወይም ቸኮሌት አዘውትሮ መመገብ፤ ሆኖም ግን እስከአሁን ጠንካራ የሆነ ማስረጃ  አልተገኘም።

• አንዳንድ ሕመሞች( Polycystic ovarian syndrome, Cushing syndrome)

• ቅባት ወይም ቅባትነት የአላቸው ክሬሞች ወይም ኮስሞቲክሶች፡ ብጉር እንዲወጣ ሊያደርጉ ወይም ሊያባብሱት ይችላሉ፡፡

• ውጥረት ወይም ጭንቀት፤  ቀደም ሲል የነበረን ብጉር የከፋ ሊያደርገው ይችላል።

ስለ ብጉር ምንነት እና ሕክምና ሙሉ መረጃ ለማግኘት ማስፈንጠሪያውን ይጫኑ።